[惡搞無極限] 就係咁，我同幾個豬朋上左大陸獵金: ２４　我係受害者

「阿媽……」我口都震晒咁叫我阿媽。

 阿媽聽到我叫佢，就望向我問：「做咩我頭先係樓下拍你膀頭後，你就跑鬼左去啊？」 

哦，原來頭先拍我膀頭果個人係我阿媽，真係比妳嚇撚死我啊。

 而家呢一刻，我求其咁搵左個借口，「無，我見食完野後未跑下步消化下咁囉。」

屌，我係度講緊咩春啊又。 





「食完野去跑步，因住盲腸炎啊你，咁今晚仲駛唔駛煮你米啊？」 

「要，緊係要啦，今晚唔會出街架拿，係屋企食。」 

「咁我去洗菜先。」阿媽講完就行左入廚房。 

而我，就坐左係個廳到，心諗，好彩阿媽無上ＴＨＩＳＡＶ　既習慣姐。 

「係啊阿媽，舅父頭先好似話會放工上黎呢度，煮埋佢米啊。」 





「我知，你舅父同我講左拿。」 

下！？講左！？講左Ｄ咩先！！！ 

我行左去廚房門口，問緊洗緊菜既阿媽：「舅父仲有無講Ｄ咩野啊？」 

「未就係上黎食飯囉，仲有咩野好講。」阿媽無啦啦停晒手上面做緊既野，望住左我：「係未你又整左Ｄ大鑊野出黎？」

「唔係！緊係唔係我啦！」拿，我無講大話架，得罪人果個又唔係我，拍片果個又唔係我，放片果個又唔係我，我最多係受害者，咁又點會係我搞出黎架呢。