[惡搞無極限] 就係咁，我同幾個豬朋上左大陸獵金: ２５　食完飯先講

阿媽由洗菜果一刻就已經係度煩緊我係未又做左Ｄ大鑊野出黎要舅父幫手，我就好似啞左咁坐左係個廳到一粒聲都無。 

唔係我唔想講比我阿媽聽，而係因為我都唔知呢單野可以點樣講起，更何況，如果阿媽問我咩係ＴＨＩＳＡＶ果陣，我點答佢，唔通開個ＴＨＩＳＡＶ出黎同佢一齊睇咩。 

「一粒聲都無，姐係撞左板啦又。」阿媽望一望我：「都費事理你。」 

唉……舅父你幾時先上黎架，我一個人頂唔到好耐架咋。 

最後，舅父唔知係未夾好晒Ｄ時間，等到我阿媽煮好晒成餐飯先上到黎。 





佢一上到黎，我就即刻走左去開門比佢。 

而我地對到眼果陣，我收到第一句ＭＳＧ係…… 

（你阿媽係未又一路煮野一路煩啊？） 

（係啊，你咁遲先到我自己一個人食晒囉。） 

（我呢Ｄ醒目架麻。） 





舅父笑左笑就行入廳到，「阿姐。」 

「唔好講廢話住，係未阿賢佢搞左Ｄ咩大頭佛出黎？」 

「阿姐，不如食完飯先慢慢講啦。」

舅父，你就講得輕鬆，食完呢餐飯先講，咁我情願呢餐飯食唔完好過。