我望住舅父,「你咁講係咩野意思?」 

「你知唔知果晚講數果班人入面,有個比你條女爆樽既其中一個人,係某社團大佬個仔。」舅父,你唔會係呢個時候講呢D笑掛。 

「仲有,其中一個係某社團大佬個女既男朋友。」呢個關係疏D WO舅父,0分重作啊。

「最緊要係,其中仲有一個人係我地警方既臥底。」嘩,岩先話完你就即刻咁有創意啊舅父。 

我呆晒咁望住舅父,都唔知可以比到D咩反應,而舅父都好少理,繼續講佢既野。 





「而家你得罪左人地成個社團,我諗你要上去避一避風頭,時間都要幾耐下。」 

「但……舅父,唔關我事架WO,係我條女爆9佢地,唔係我WO。」

我開始有少少興興地。
 

「但係你條女喪,咁難捉,你咁撚廢,緊係捉左你用黎要脅你條女啦係未咁話先。」

舅父毫無情面咁講。
 





而我阿媽仲加把腳,「係囉,佢真係好撚廢。」 

阿媽,我係你生架WO,你幫下我好WO。 

「門路我幫你搵緊,搵到我就會通知你,你呢幾日最好唔好四圍走,留係屋企好D,佢地無咁快會搵到你住邊既。」 

「咁阿欣點啊?」我問舅父。 

「放心啦,我地會搵D人睇住佢……」舅父欲言又止,「不過講真,你條女真係好喪,點解你會鐘意佢。」





 「我自己都好後悔架舅父。」舅父聽完我呢句後大笑左,而我阿媽就問:「其實,THISAV 係咩黎架?」

都話佢會問架啦,有無D巴打答過自己阿媽呢個問題既可以分享下經驗啊?
已有 0 人追稿