講真,餐飯我就真係無咩胃口,但阿媽同舅父就唔同,胃口同平時差唔多。 

到食完飯,由我話食埋生果,糖水,飲埋杯茶,咩都用晒之後就無得再拖。 

「茶都飲埋,可以講比我知發生左D咩事未?」阿媽問緊舅父。 

「阿姐,其實呢,好少事姐。」唔係啊話舅父,真係好少事咩? 

「咁講啦,我聽緊。」 





「我諗,阿賢今次要返大陸避一避好D,等D風聲無咁多既時候,就再落返黎。」

下,舅父,係未姐係叫我著草啊?
 

「解決方法我唔想聽住,我只係想知道因咩事要搞到要返上大陸避?」阿媽問。 

而我覺得,點都要經我把口話比我阿媽知,「阿媽,我比人拍左段片放左上網……」

 阿媽聽到後,好冷靜咁問我:「係咩野片?」 





舅父聽到我阿媽問我果陣,已經用電話上左THISAV度搵左條片,放左比我阿媽睇。 

我阿媽睇完之後,望住我,「點解惹到呢D人?」 

如是者,我一五一十講晒果晚同阿欣去打邊爐既事比我阿媽同舅父知道。 

「你地都玩得好癲WO。」阿媽笑笑口咁拍住我膀頭,而我就好尷尬咁笑左出黎,換黎既係比我阿媽昇左一巴。

 而舅父就同我講左句,「賢仔啊,件事無你想像中咁簡單。」 





咩話,仲有得再複雜架……

仲有我有野樣好想問,咩電話上到THISAV 架咩?
已有 0 人追稿