我行向閃緊燈個方向,見到一個著住人字拖,短褲既老坑,佢用唔鹹唔淡既廣東話同我講:「係咪簡SIR介紹架?」 

「係啊係啊。」 

「跟住我行啦。」 

我跟住呢條老坑後面,行到去一個上船既位置,而其間佢問左我D問題:「有無帶回鄉證啊?」 

「有。」





「咁指南針呢?」 

「下!?要帶架咩?」 

「唔駛,問下姐。係拿阿哥仔啊,你帶咁少野上去,夠架拿。」 

我聽到個老坑呢一句,心諗咁都算少野,咁點先為之正常啊。

 而到左上船既位置後,我見原來著草既唔止我一個人。 





「咁多人既?」我問個老坑。 

「哦,近排係旺季嘛,所以一班船會送幾個人上去。」 

下,咩呢D都會有分淡旺季既咩? 而當我思考緊呢條老坑講既野係堅定流,點分淡旺季果陣,發現一齊著草果班人,有一個個頭包到成個阿差咁,露出左成副狠樣咁望住我。

我望一望呢條友,唔撚係掛!呢條友未係果晚個紅毛!?
已有 0 人追稿