[惡搞無極限] 就係咁，我同幾個豬朋上左大陸獵金: ３７　準備開船未架

其實呢架大飛細細地，可以點樣分都邊Ｄ客坐邊Ｄ客位，我對呢一點真係好好奇。 

但我而家剩係知道，個紅毛同我一樣坐緊「經濟」客位，仲要由上船前到上船後，都要啤住我……除左著草小姐出黎講野既時間。 

我緊係扮唔知佢望住同好天真咁周圍望啦，費事同佢有眼神接觸嘛。 

係呢個時候我先認真咁望一望同我一齊著草既人。 

全部清一色都係男人，睇得出有兩個係有背景，成個兇神惡殺怒漢咁款既。 





而另外兩個就係上左年紀既中坑，一臉滄桑，成個生意失敗咁款，兩個人都係度自言自語，成個痴線佬咁。 

而頭先果位老坑，行左個去司機位，咳左幾聲清一清喉，然後同佢部ｉＰＨＯＮＥ　開左天文台個ＡＰＰ出來。 

「客位搭客您好，我係您地今次呢班船既ＣＡＰＴＩＡＮ　老坑，今日既氣溫好適合著草，溫度係……」 

其實在場應該得我一個人有專心咁聽呢個老坑講野，因為其他人都做緊自己野。 

個兩個生意失敗既人繼續自言自語，紅毛就怒啤緊我，另外兩個怒漢就係到煲煙吹水…… 





等等！？上左船仲食煙！ 

「請各位搭客上左船後就唔好食煙……」咁就岩拿老坑，果然係ＣＡＮＴＩＡＮ　老坑，「……如果要食就去到船上既吸煙區。」 

下！？仲有分吸煙區同非吸煙區架！