[惡搞無極限] 就係咁，我同幾個豬朋上左大陸獵金: ４０　頭等？你坐埋我果份

聽到紅毛講既野後，我既好奇心更大，「咁『頭等』呢？」 

紅毛只係用一副好睇唔起人既眼神笑左笑，「通常買『頭等』果Ｄ，一定係有少少錢諗住坐好少少既ＯＮ９仔。」 

「下？」我聽到呢度後，望一望前面，「『頭等』ＷＯ？」 

「都話你而家係著緊草啊，等多陣啦，等多陣你就知架拿。」紅毛陰陰咀咁笑左笑，然後望一望佢戴緊隻錶，「上次果兩條仆街好撚快就出返黎架ＷＯ，今次呢兩條有Ｄ料度，而家都未走出黎。」 

我仲係一臉無知咁理解緊紅毛既說話，眼見紅毛望住個「頭等」倉入口，我都同佢一樣望左過去。 





如是者過左一陣，見到個倉門開左少少，開得好慢咁。 

「終於都係頂唔住，不過佢地都唔係算最勁個批。」 原全唔明個紅毛講緊咩，我望向開左既倉門，入面果兩個怒漢係爬緊出黎，仲成身成面都好污糟，好似…… 

「兩位搭客，呢度有Ｄ乾淨毛巾同暈浪丸，好平架咋。」個著草小姐拎住樽暈浪丸。 

我見到咁既情況，都大既估度Ｄ野。 

「架大飛咁浪，拋得咁勁，仲坐入倉果Ｄ人就真係ＯＮ９拿。」紅毛笑得好開心咁講。 





咁唔怪之得呢兩個怒漢成個死狗咁款啦，原來係暈船浪。 

「呢個『頭等』都好整估人ＷＯ。」我同紅毛講。 

「屌！抵９死架佢地，著草就未諗住坐『頭等』啦。」

聽到紅毛既說話後，我真係好多謝我舅父幫我留左個「經濟」位。