[惡搞無極限] 就係咁，我同幾個豬朋上左大陸獵金: ４１　點解著草（１）

個紅毛就不停咁對住個兩個暈船浪暈到死死下既怒漢喪笑，而我就好無奈咁望住姐紅毛。 

「望咩撚野啊你又。」 比佢發覺左添，我即刻擰轉個面，「無啊。」 

「頭先，你未問我點解要著草既。」 估唔到個紅毛而家想講返我帶起果個話題ＷＯ，我即刻好有興趣咁望住佢。 

「其實，都關你條廢柴事。」

「下？又關我事？」





「我拍你果條片啊。」

「下？」

「你條友都好鐘意下下聲咁架ＷＯ，好撚煩啊。」 

我聽到佢咁講就合上左自己個咀。 

「果晚追唔到你條仆街，我就拎左部電話返架步，同另一個兄弟諗住放上網，果一晚……」 





鏡頭回到果一晚。 

—　—　—

「紅毛哥，因咩事搞到爆晒光咁啊。」

「唔好提，比個癲婆爆左幾次樽，而家個頭仲有少少暈。」

「咁你快Ｄ去休息下，同包下個頭先啦。」





「唔得，我有件好緊要既事要做左先。」

「咩事啊？」

紅毛拎左部機出黎，播返拍阿賢果條片，「我要放左條片上網先。」

「嘩，紅毛哥，拍呢條片果陣隻手都好震下ＷＯ，咁糢既。」

「阿哥，你試下比人爆幾次樽啊，你睇下隻手會唔會好定先得架。」

「不如咁啦紅毛哥，你去處理好個傷口同休息下，條片我幫你搞店佢。」

「真係？」

「係啊，信我啦。」





「咁你同我放上果個……一時醒唔起，好多人上果個睇片網呢。」

「哦，果個啊，知架拿，你安心休息下啦，訓醒等睇片。」

—　—　—

紅毛講都呢度，握緊左個拳頭，「估唔到條ＰＫ心諗好多人睇片果個網，同我心諗果個唔一樣，整到我……」