[惡搞無極限] 就係咁，我同幾個豬朋上左大陸獵金: ４７　同是天堐落難人

我企左起身，拍走身上既沙同塵，一邊拍一邊講：「阿……阿紅毛哥，我講左好多次單野真係唔關我事架ＷＯ，做咩下下都要入晒我數呢？」 

個紅毛啤撚住我話，「唔關你事，你又著草？」 

……呃……佢呢個問題真係一言驚醒，從頭到尾我都只係個受害者身份，然後到舅父話要我著草，到而家真係到左大陸，其實真係唔關我事，但我點解要著草呢？ 

唔通，我要答佢因為驚你捉我囉。 

係而家著草都見到佢，咁答覺得好笨柒。 





幫條女頂罪？屌，如果係就唔駛著草留係香港啦。 

死啦，點答佢好…… 

就係我仲未諗到要點答佢果陣，佢已經一野昇左個黎，「總之你而家最好同我醒醒定定，我見同是天堐落難人，今程互相射住大家好唔好啊。」 

佢咁講，係未姐係話要同我一整啊？ 

「唔好成個諗樣拿，行啦，行出左呢個鬼地方先啦，呢度咩都無，蚊最多，你想係呢度喂蚊咩。」

個紅毛講完就推住我行。 

呢個咁既開始，究竟係好，定係唔好，無人知，但而家呢一刻我只係知道，呢度真係好多蚊，但好彩我唔係一個惹蚊既人。