[惡搞無極限] 就係咁，我同幾個豬朋上左大陸獵金: ４８　阿俊

前路茫茫，我呢個唔知頭唔知路既人，就只可以跟住我眼前呢位，個頭包都好似個印度人咁既紅毛，見步行步。 

「阿紅毛哥，你其實著過幾次草？」 紅毛佢照樣向前行，無望過黎就答：「四五次。」 

佢答到好若無其事咁。 難道人在江湖，著草真係咁平常，我無再問落去。 

我地由小路行到出大路，治住大路一直行。 

「其實我地而家去緊邊度？」 





「跟住我就得架拿，唔駛問咁多。」 其實全程路，都係得呢幾句對答，我唔知道我自己去緊邊度，亦都唔知一陣會有咩事發生，我只知道，而家呢一刻，我都只係可以同紅毛互相幫助，不竟，我第一次著草，咩都唔識。 

行左大既成個幾鐘，我地去到一個有Ｄ　店舖既地方。

 「我記得呢度附近應該有地方可以落腳。」 

原來紅毛佢係搵緊落腳既地方。 

佢企在係我前面，拎左包煙出黎，點著左然後吸左一啖，「同你行左咁耐，都未知你叫咩名？」 





「我叫阿賢。」 

「阿賢……」佢又吸多啖煙後講：「著草條路唔易行，今晚好好食一餐，訓個靚覺，聽日再慢慢打算。」

 「嗯。」我唔知我呢個回應佢聽唔聽到，我只知道既係，佢過左一陣開口就話：「我叫阿俊。」 

就係咁，我地算係認識左。