[惡搞無極限] 就係咁，我同幾個豬朋上左大陸獵金: ５５　入唔入去好？

「咁阿大叔……」

「叫我既名。」頂叫仲要眨左下眼。 

「阿……」ＳＨＩＴ！我真係叫唔出個大叔個名，「……勞斯萊斯。」 

「點啊靚仔？」 

仆你個街！如果你而家唔係司機既話，我一定打到你兩隻眼腫撚晒單唔到眼！ 





「……你仲未答我個問題，我地其實去緊邊度？」 

個大叔好調皮咁笑左笑，「……秘密，去到你未知囉。」 

我已經緊握成拳。 

「你仲咩握實個拳頭？」阿俊問。 

「無……我緊張姐……」 





「傻啦，有我係度做咩咁緊張？」阿俊搭住我膀頭話。 

就係有你係度，都唔知你跟過黎係幫我定害我。 

成程車個幾鐘，我就咁坐左係後座比阿……阿勞斯萊斯佢視姦左個幾鐘。 

一停車，我就飛快咁打開左車門落車，係我眼前見到既係一間酒吧。 

「就係呢度拿。」阿勞斯萊斯佢仍然好毑型咁講。 





阿俊都落左車，佢望一望間酒吧個名，係度話：「個名好型好有霸氣ＷＯ。」 

係，無錯，個名真係好型好有霸氣，叫做「英紅吧」，但係英雄個「雄」字係呢個「雄」，唔係呢個「紅」囉。 

「你要去既地址就係呢度拿，仲唔入去。」毑氣加寒氣擁現，急襲我身後，整到我打左個冷震，但阿俊已經行到去間吧既門口，仲要已經推開左度門，轉身向住我話：「你仲唔快Ｄ。」 

究竟，入唔入去好？