[惡搞無極限] 就係咁，我同幾個豬朋上左大陸獵金: ５６ ＬＡＤＹ ＡＮＤ ＧＥＮＴＬＥＭＡＮ
最後都係要入去，因為阿俊佢無理我自己已經入左去，咁我又無理由咁衰仔由佢自己一個人去送死架。
「一齊入去啦，靚仔。」勞斯萊斯搭住我膀頭講，我即刻甩開左佢，然後好自然咁講左一句：「唔駛，你先，ＬＡＤＹ ＦＩＲＳＴ。」
ＦＵＣＫ！ＬＡ咩Ｑ野ＤＹ ＦＩＲＳＴ 啊，我究竟係到ＵＰ 咩。
但阿勞斯萊斯夠膽死答我，「你真係好ＧＥＮＴＬＥＭＡＮ 架姐。」
然後就行左係我面前，係入去酒吧前仲整左個華麗轉身後望住我，「你又知人地係ＬＡＤＹ 既。」
我！！！！！！！我唔想再打粗口去話佢，因為我覺我咁做侮辱左Ｄ粗口，而且仲要係一個咁似林雪既大叔……
入到去間吧，燈光好昏暗。
「條仆街無交電費架，咁黑既呢度？」阿俊係到話，然後拎左自己部電話出黎，開左手機個燈仔周圍照。
「黑先好啊，黑先可以做好多野嘛。」勞斯萊斯你搭少陣爹好唔好，我容忍係有個限度。
「例如呢？」阿俊，你都唔好講咁多野，你估你係古惑仔我就唔敢打你啊。
「唔見得光果Ｄ囉。」
仆……街……好，我忍。