[惡搞無極限] 就係咁，我同幾個豬朋上左大陸獵金: ５８　係度住住先？

「咩話！？ＧＡＹ　吧！？」阿俊好似如夢初醒咁樣，而我就好無奈咁望住佢。 

「你又唔駛咁大反應既，靚仔。」勞斯萊斯好妖豔咁行左去佢身邊，「係呢，其實你地兩個咁早黎呢度，做咩事呢？」 

見到勞斯萊斯行左去佢自己身邊既阿俊，好抗拒咁閃開左，而勞斯萊斯見到之後又跟左上去，佢地個情況就好似係度玩緊捉依因咁。 而我就不停望住佢地兩個走黎走去，然後話：「係私舅父叫我黎搵你架。」 

「你舅父係邊個啊？」阿勞斯萊斯一路追住阿俊一路問。 

「我舅父係簡ＳＩＲ。」 阿勞斯萊斯一聽到我既說話後，企左係度，「簡ＳＩＲ　係你舅父？」 





「係啊。」

 「……咁你姐係……」阿勞斯萊斯望實我，「……賢仔？」 

「……係啊。」我答佢。 

「終於等到你ＬＵ，簡ＳＩＲ一早同我講親威會上黎避一避。」原來舅父一早就交帶左阿勞斯萊斯聽，我上黎後要睇住我，「係呢，你點解要上黎既？」 

我由打邊爐果晚，講到點解要著草，再講埋著草果陣見到阿俊既野，全部都講晒比佢聽。佢聽完之後，就大笑咁話：「你地兩個真係有緣。」 





我同阿俊都好無奈咁望住勞斯萊斯。 

「本身諗住出去搵你，但點知你自己都搵到黎，咁不如你地就係呢到住住先啦。」

勞斯萊斯一邊講一邊用好淫邪既目光望住我地。 

「……我地諗諗先。」好少可阿俊會咁齊心同我答同一樣野。