[惡搞無極限] 就係咁，我同幾個豬朋上左大陸獵金: ５７　主題酒吧

「搵到個燈制ＬＵ。」原來阿俊係度搵緊個燈制，佢禁著佢，其中一排燈開左。 

「咦，仲咩開燈姐，頭先氣氛未幾好。」勞斯萊斯係度扭扭擰擰咁話。 

「有無人啊？」阿俊係度大叫，又係ＷＯ，我地入左黎一陣，都未見有人出黎，就算出黎問我地做咩事都好。 

「緊係無人啦，酒吧其實都未開門。」勞斯萊斯講。 

「未開門？但係未開門點解唔鎖度門，頭先我地就咁就堆開左行埋入黎。」我問。 





「呢度邊會有人敢偷我勞斯萊斯野？」 

「下？」佢既回答我真係唔知係咩野意思。 

「靚仔你咁蠢架，呢間吧我開架。」 我同阿俊即刻碌大隻眼望住勞斯萊斯，咩話，呢度佢開既，咁呢度唔通係…… 

「通常Ｄ人夜晚先到，而家咁早，緊係咩人都無啦。」勞斯萊斯話。 

「咁又係，邊有人咁早去酒吧飲野。」阿俊附和左一句，然後就四圍行睇行呢度有Ｄ咩野，而勞斯萊斯又再講：「呢個當然係其中一個原因啦，但其實最主要係因為呢度係主題酒吧，而個主題會令世人有少少抗拒。」 





佢講到咁，我諗大家都明啦…… 

「姐係咩啊？」阿俊問，唔好意思，收返先前果句，原來佢仲未明。 

「未係ＧＡＹ　吧囉。」 

仆街！我一早都估到，但係有晒心理準備都接受唔到……