[惡搞無極限] 就係咁，我同幾個豬朋上左大陸獵金: ６７　點解咁多人追住你地

憑住我少許既記憶，我地跑到去間吧既附近，而一路上Ｄ人見到我同阿俊係咁跑，都用好奇怪既目光望住我地。 

而後面…… 

「仆街！果班人跑開長跑架？咁撚好氣跑到而家都未停既！」阿俊係到話。 

「未係囉！咁撚好氣唔好去拍戲！」我附和。 

「係呢個關頭你就未撚搞爛ＧＡＰ啦！又唔撚好笑！」阿俊回返我一句。 





我都係想個氣氛好Ｄ姐…… 

如果我無記錯的話，我諗轉埋呢個彎就會到間ＧＡＹ　吧，而當我地轉埋個彎，已經見到一大班人係個酒吧前面。 

「搞咩咁多人？」阿俊問。 

「我點會知ＷＯ……」 

「唔理拿……就到終點跑埋落去……」 就快跑到斷氣既我地，用埋最後一口氣跑過去，而阿勞斯萊斯見到我地後，好興奮咁望住我地揮手。 





但過多陣，佢既表情轉左，係一個嚇左一跳既樣，佢即刻叫左班企左係ＧＡＹ　吧前面既人跑過黎，而我地其實已經跑到係佢面前。 

「搵左你地好耐啊，去左邊姐？」阿勞斯萊斯用一貫既妖聲妖氣係度講。 

「……唔好問住，幫我地搞店後面果班人先……」阿俊應該係用埋最後果啖係講。 

阿勞斯萊斯望一望後地身後果班人，就話：「你地搞左Ｄ　咩出黎又咁多靚仔追你地架，真係羨慕死人拿。」 

勞斯萊斯，呢個關頭你就未撚搞爛ＧＡＰ　啦……