[惡搞無極限] 就係咁，我同幾個豬朋上左大陸獵金: ６８　這些ＧＡＹ會我不想屬於我的

追我地果班人唔知點解，突然間係間吧１０米左右既距離停晒係度，你眼望我眼咁，好似好怕走埋黎。 

我同阿俊見到咁既情況，都安心左好多。 

「你地到底搞左Ｄ咩事？」阿勞斯萊斯問我地，而企係間ＧＡＹ吧前果班人當中，其中一個人走到勞斯萊斯旁邊，細細聲咁同佢講：「絲兄，佢地好似係ＭＡＮ姐Ｄ　人。」 

勞斯萊斯聽到呢個名之後，塊面一沉，行出係兩班人中間，而ＭＡＮ姐係呢個時侯都到左，亦都行左出黎。 

「咁錯盪啊，ＭＡＮ　姐？」先開聲果個係阿勞斯萊斯。 





ＭＡＮ姐無即時回應，佢只係望緊係勞斯萊斯身後既我同阿俊，然後話：「佢地兩個你睇架？」 

勞斯萊斯笑左笑然後答：「無，香港Ｄ朋友交帶落，叫我睇住下佢地姐。」 

ＭＡＮ姐又怒視左我地兩個一下，「又係Ｄ死ＧＡＹ佬！」 

死ＧＡＹ佬！？冤枉啊！！！我係一個絕對精壯既熱血男兒！百分之一百迷戀女性既色情狂！！！而家妳呢條男唔似男女唔似女既八婆話我係ＧＡＹ　佬！ 

而其他企係ＧＡＹ　吧前面既人聽到ＭＡＮ姐咁講後，都開始係度鼓燥，「妳講咩閪野啊！咩野死ＧＡＹ佬啊！」 





岩拿兄弟，快Ｄ反駁佢啦。 

「ＧＡＹ佬唔係人啊！ＧＡＹ佬都有造福人群！都係愛國架！」 

咦……你講得都好岩，但係咁講未認左自己係ＧＡＹ…… 

係ＷＯ，唔記得左呢間係ＧＡＹ吧，呢班人都應該係架ＷＯ。 

我同阿俊而家只可以企係遠一遠，睇下勞斯萊斯點幫我地收科。