[惡搞無極限] 就係咁，我同幾個豬朋上左大陸獵金: ７０　我鐘意……

我望住愈行愈遠既ＭＡＮ姐，欲哭無淚，我真係情願比人打一身，都唔想係咁比心理恐懼轟炸。 

而勞斯萊斯若有所思咁轉身，望住我同阿俊講：「唔駛怕，有我係度，保證你地兩個身上果舊肉一定安安全全。」 

係你先好講…… 

「我地返入去先再慢慢講。」勞斯萊斯示意左剛剛企係間吧前面Ｄ人散水先，然後同我地兩個入左間吧度。 

我地三個人坐左係間吧既既吧枱，勞斯萊斯拎左支酒出黎，倒左杯酒比我地飲。 





「飲啖酒定下驚先啦。」 

就當我仲諗緊Ｄ酒會唔會比勞斯萊斯落迷藥之際，阿俊已經飲晒，仲講：「好兄弟，多謝幫我地解圍。」 

佢講得又岩，勞斯萊斯幫左我地解圍，我仲咁諗佢，真係不該……所以我都一口氣飲晒啖酒。 

「唔駛多謝，你地肉償就得拿。」 聽完勞斯萊斯呢句，我噴返晒Ｄ酒出黎，我同阿俊又用「唔係啊嘛」既神情望全勞斯萊斯。 

勞斯萊斯見到我地兩個咁，大笑完一輪後就話：「你地真係得意，講笑咋，我又唔係ＧＡＹ，點會搞你地。」 





「咩話！？你唔係ＧＡＹ？」我同阿俊都好驚訝咁問。

「點解你地會覺得我係ＧＡＹ？」勞斯萊斯問。

「你Ｄ行為同ＧＡＹ　佬一樣囉。」阿俊好直接咁講：「仲有你開ＧＡＹ吧ＷＯ。」

「開ＧＡＹ吧就一定就係ＧＡＹ　佬咩？」勞斯萊斯笑住問。 

咁佢又講得有Ｄ道理既。 





「我乸型係天生既，不過我係鐘意女人，只不過我口味比較特別。」勞斯萊斯既嘆咁講。

「點特別法？」

「我鐘意不是女人的女人。」勞斯萊斯答我地。

 下！？唔係掛，咁特別既喜好！？