[惡搞無極限] 就係咁，我同幾個豬朋上左大陸獵金: ７１ 一個好女人既男人同一個好男人既女人的愛情故事
聽到勞斯萊斯既說話後，我同阿俊都打左個突。
「食得咁偏啊你。」阿俊話：「而且咁重口味。」
勞斯萊斯只係笑而不語，佢將空左既酒杯再次倒滿，然後飲左一細啖，拎起左放係杯酒旁邊包煙，我唔係幾清楚包煙係咩牌子，可能係大陸先有，我只係知道，包煙係紅色。
佢拎左支煙出黎，遞左比我同阿俊，所謂有煙有朋友，佢先幫我地點著支煙後先再點著自己果支。
佢吸左一啖，然後慢慢咁呼返出黎，呢一下呼氣，帶住既係無限唏噓。
「……頭先果位ＭＡＮ 姐……」阿俊唔知點解無啦啦提返起ＭＡＮ姐：「同你有關係？」
點會啊？有關係？佢地似仇人多Ｄ ＷＯ。
但係估唔到，勞斯萊斯點一點頭。
我當然Ｏ晒咀咁望住啦，然後再望一望阿俊，又到久違既眼神交流。
（你點知架？）
（得你咁撚蠢估唔到姐！）
（痴線！點會估到啊！）
（點撚樣會估唔到啊，得你咁撚ＯＮ９。）
係，眼神係識得講粗口架，等有機會教你地用眼神問侯人地娘親。
跟住勞斯萊斯又飲多左啖酒，就開始講：「我同佢既開始係『英紅吧』，結束都係『英紅吧』。」
係，無錯，接落黎大家會聽到勞斯萊斯講緊一個好女人既男人同一個好男人既女人的愛情故事。
我會盡量以簡短既說話講完，以免在家途中有咩野不適，當然，仲一定會走甜……除非你地想知，但係我怕係我自己唔想聽。