[惡搞無極限] 就係咁，我同幾個豬朋上左大陸獵金: ７３　看似平平無奇既簡單開始

佢地二人既第一次眼神接觸，就係呢次對話之後展開。

勞斯萊斯關心既眼神，佢在意既，係散落係女仔周圍既玻璃碎片，而個女仔既眼神，睇得出係一種特別。 

「無事……」個女仔突然間好拘緊咁企直左個人。 

勞斯萊斯微笑左下，「無事就好，我想問呢度附近邊度有地方落腳或有地方租？」 

個女仔好怕羞咁答：「呢間吧有房出租，你要問一問老闆。」





「咁妳知唔知老闆係邊度？」

「佢岩岩出左去，不如我帶你入去等佢返黎。」

「都好，妳係呢度做前架？」

「係啊，我叫阿文。」

「ＨＥＬＬＯ，我叫勞斯萊斯。」 





簡單既介紹看似平平無期，但係，阿文深深咁比勞斯萊斯吸引住…… 

—　—　— 

「個阿文唔通就係……」我問阿勞斯萊斯。 

「無錯，就係ＭＡＮ姐。」勞斯萊斯答。

「唔撚係掛，你形容到佢好少女咁ＷＯ。」阿俊聽到勞斯萊斯既答案好好難以至信。 





「咁佢係未做ＴＢ前，都不失係個可人兒。」勞斯萊斯嘆左啖氣，「一個大叔控既可人兒。」 

「所以佢第一眼就鐘意左當時既你。」 

「係……」勞斯萊斯又點多左支煙，吸左啖繼續。 

—　—　— 

「……你有咩野需要啊？」阿文問。

「暫時都無，係呢，頭先我睇呢間吧Ｄ容清一色全部都係男人，點解既？」

「因為呢間係一間ＧＡＹ　吧。」

「咁妳係一間ＧＡＹ　吧做野會唔會好辛苦架？」





「係邊度做野都辛苦架啦。」 

佢地就咁樣一直好開心咁傾計，而勞斯萊斯都因為老闆既同意收留，所以住左係度。