勞斯萊斯放低手中既酒杯,整熜左支煙,然後望住前面,而我同阿俊都跟住佢個方向望個去。 

「望咩野?」阿俊問。 

「我點知。」我答。 

勞斯萊斯深呼吸左一啖,然後講:「殞石旁的天際……」 

「咩野殞石旁的天際?」勞斯萊斯岩岩開始講就比我打斷左。 





「 ONCE UPON A TIME……」 

— — — 

五年前既一個夜晚,一個初到貴境既人,第一次踏入一個佢唔熟悉既地方。

勞斯萊斯果陣只係拎住一個袋,袋入面有既,就只係一兩件衫,同埋一大堆佢鐘意既唱片。 

果晚,新鮮感衝擊佢既腦,所有事物都係以前未見過。 





前路未知係點,但佢而家只係想搵一個地方借宿一宵。 

係命運既安排,使佢慢慢咁接近一間叫「英紅吧」既酒吧。 

「個名係未寫錯呢?」勞斯萊斯望住間吧既名,心入未疑問著。 

而係呢個時侯,酒吧旁邊既後巷傳出左一陣打爛玻璃既聲音,勞斯萊斯聽到之後,行左過去睇下發生咩事。 

「……哎啊……」勞斯萊斯眼前所見,係一個女仔,一個留有一把長頭髮,皮膚好白既女仔,佢果雙眼睛好無助咁望住堆玻璃碎,扁住咀一副想喊既樣。 





勞斯萊斯見到就即刻想前,問呢個女仔:「無事嘛?」 

個女仔搖一搖頭,回答勞斯萊斯:「……無事。」

呢個,係佢同個女仔第一次既對話。
已有 0 人追稿