[惡搞無極限] 就係咁，我同幾個豬朋上左大陸獵金: ７９　那雨夜

呢一晚，勞斯萊斯徹夜難眠，佢後悔將件事話比老闆聽，因為佢覺得其實如果自己可以同阿文私底下解決的話，呢件事可能有個完滿解決。 

但係因為佢諗得唔夠仔細，令到呢件事，煩下加煩。 

當老闆知道左事件真相後，佢雖然無嬲，但係佢決定解僱阿文，因為佢犯既事點都比較嚴重。

 而呢一晚，就係老闆同阿文講呢件事既晚上，老闆仲特別叫我唔好出現。

但係，我無咁做，原因係因為呢一晚，發生左呢件事。 





「鏘！」 

清脆既玻璃碎從老闆房內傳出，一段激烈既爭吵聲響徹整個雨夜。

 「鏘！」 勞斯萊斯飛奔過去，衝入老闆間房入面，見到既係老闆同阿文既對峙，而阿文，係跌坐左係地上面。 

「……發生咩事？」勞斯萊斯問。 

阿文啜泣著，而老闆就無奈地企左係度，望一望周圍已經好亂既房間。 





「老闆話……」開聲既係阿文：「你唔鐘意女人，但你又鐘意女人ＷＯ。」 

勞斯萊斯當時果刻原全唔明，佢望向左老闆果方向，然後老闆就話佢知：「我講左你鐘意不是女人的女人。」 

勞斯萊斯一副明白既樣子。 

「點解……」阿文愈喊愈勁，而勞斯萊斯就想行去扶起佢。 

就係呢個時侯，阿文隨手拎起係佢附近既一把剪刀。