[惡搞無極限] 就係咁，我同幾個豬朋上左大陸獵金: ８０　我唔係阿文

「阿文，妳做咩拎住把剪刀，放低佢先。」勞斯萊斯喝止住阿文。 

「係啊，有咩唔岩講到岩。」老闆附和咁講。 

但阿文半句都聽唔入耳，佢成個人好似無晒神咁，口中不停咁講：「你唔鐘意女人，但你又鐘意女人⋯⋯」 

佢拎起自己一撮既頭髮，用剪刀剪左佢。 

「你唔鐘意女人，但你又鐘意女人⋯⋯」 





剪刀好俐落咁將佢既頭髮慢慢剪落。 

「你唔鐘意女人，但你又鐘意女人⋯⋯」 

剪既只係頭髮，仲一下一下刺入勞斯萊斯同老闆既心上。 

「你唔鐘意女人，但你又鐘意女人⋯⋯」 

阿文將自己一把既秀髮剪到好似男仔頭髮既長度，頭髮散落係佢周圍，零零落落，就好似佢地而家三個人既心情一樣，散落不踏實。 





阿文終於把拎住剪刀既手鬆開，剪刀落地既聲音打破沉默。 

「阿文⋯⋯」勞斯萊斯正想行前，但阿文示意佢唔好接近。 

「我知我犯左既錯係唔可以原諒，一陣我就會離開呢度，唔會再接近『英紅吧』⋯⋯」阿文用好堅定既眼神望住我，「但係，我會學做不是女人的女人，為左你，我可以放棄做女人，所以，你一定要等我。」 

阿文講完呢句後，就衝左出去，而勞斯萊斯亦都一樣，衝左出去追阿文。 

「阿文！」勞斯萊斯不停咁係阿文身後叫住佢個名，而阿文就突然間停低左。 





勞斯萊斯慢慢接近，「唔好再過黎！」但比阿文喝止左。 

「又而家呢一刻起，我唔再係阿文，叫我阿MAN。」 

一個女人連自己係女人既身份都可以唔要，何況係一個名字，又或者，改名係代表佢既堅定。