[惡搞無極限] 就係咁，我同幾個豬朋上左大陸獵金: ８１　點都要留係度……

勞斯萊斯放下酒杯，「你地話，我係唔係害左一個好女仔？」 聽到佢咁樣問，我同阿俊都唔知點答佢。 

「咁……佢之後點？」我問。

 「之後佢係『英紅吧』附近流連，但係慢慢咁佢竟然發展左一股勢力。」

 「竟然！？」我同阿俊聽到勞斯萊斯咁講，都好奇咁問。 

「佢果陣做既所有野好狠，好似變左另一個人一樣，只要有人講左唔岩佢聽既野，佢就會打佢地，果陣先知，佢其實好打得。」 





阿俊聽到呢度，望一望我，「喂，咁聽落同你條女一樣咁癲ＷＯ。」 

我無奈咁笑一笑。 

「但點解佢好似好憎妳咁既？」我又問。 

「佢唔係憎我，而係憎我身邊既人。」 聽到佢咁講勞斯萊斯我同阿俊都下意識咁移開自己。 

「唔駛咁做，因為佢已經覺得你地兩個同我有關係，所以你地走唔甩。」勞斯萊斯認真咁講。 





聽到佢咁講我當然嚇一嚇，阿俊好Ｄ，可能佢本身係古惑仔，個膽係大Ｄ，「黎未黎囉，我都想見識下大陸既陀地係點樣做野。」 

「我諗下有咩可以幫到你地兩個啦，今晚你地就係度過一晚。」 

「但我地Ｄ野係賓館度……」 

「一陣我車你地返去拎啦，因為只要你地一日係『英紅吧』，阿ＭＡＮ佢一日都唔會黎傷害你地，但走出左呢度就唔同講法。」