我聽到把聲已經即刻衝左去阿俊住緊果間房度,而勞斯萊斯亦到左。 

「發生咩事?」我問勞斯萊斯,但佢一粒聲都無,只係望入房度。 

房門一早已經打開左,我望左入去,只係見到滿頭血既阿俊訓左係地上面,係度講:「仆街……舊傷都未好返,而家又再比人爆樽……」 

一個爛左既玻璃樽散落係阿俊週圍,而且有一張紙氣。 

我行近阿俊,執係紙條,上面寫住:今次只是一個警告。 MAN姐上 





我慢慢扶起阿俊,而佢就望住勞斯萊斯問:「……又話係度會安全,而家我比人爆樽啊,仆街……」 

勞斯萊斯呆左咁望住我地,「我都唔知佢點解今次會咁主動做出呢D事。」 

「咁而家點啊!」阿俊好燥底咁講。 

「唔好講呢D住,快D止左血先講啦。」 

我地去左勞斯萊斯間房,幫阿俊包紮傷口。 





「仆你個街!我今年係未犯左太歲……」阿俊仍然好燥,而勞斯萊斯就全程靜晒咩都無講過。 

我亦無講咁多野,因為下一步發生咩事,我都無辦法猜測,而家,只可以見步行步。
已有 0 人追稿