成個下午,阿俊都唔見左人,而我就留係間GAY 吧入面,同勞斯萊斯吹水。 

「話咁快黎左呢度都差唔多五年。」勞斯萊斯話,然後指住月歷上面一個日期。 

「你意思係呢日?」我問。 

「係啊。」 我睇一睇月歷,個日子係聽日。 

「轟……」突然間,GAY吧外面傳出好多電單車既聲音,而我,有一個不祥既預兆。 





「出面咩事咁嘈?」勞斯萊斯問緊,而我心中有一個答案,希望唔好成真。 

我同勞斯萊斯行出去,見到既,係一個電單車隊,當中有個我最唔想出現既情境出現左…… 

「阿俊你仲咩搞成咁啊。」勞斯萊斯擔心地講。 

係啊,阿俊佢又唔知搞左咩大頭佛出黎,睇個樣佢好似比人打左一身,綁住左係某個人既車尾上面。 

「呢條友好大膽,夠膽一個人衝入黎話搵MAN 姐,打佢一身算便宜左佢。」 阿俊,本身件事已經好複雜,點解你仲要制造呢個災難出黎。 





「好彩MAN姐今日唔得閒,而且佢有令未過聽日都唔會收你地兩個皮。人而家就比返你地先,過左聽日你地自求多福啦。」 

如是者佢地拋低左阿俊後就走左。 

我同勞斯萊斯衝上去扶起阿俊,問:「仲咩事無啦啦又去果度啊?」 

阿俊咳左幾聲,「覆桌囉。」 

大佬啊呢度唔係你地頭,唔好咁玩野好唔好啊。 
已有 0 人追稿