[惡搞無極限] 就係咁，我同幾個豬朋上左大陸獵金: ８７　你地點會係度？

又係勞斯萊斯間房，我望住坐左係度既阿俊，眼見佢身上既傷一日比一日多，唔覺意咁笑左出黎。 

「笑咩野啊仆街！」 

「都唔知你點解可以一日傷過一日。」 

「你估我想架。」 

「我點知你，所有事都係你自己搞出黎，你唔好入我數就得。」 





「你條友串我啊！」 「點敢啊。」我講完笑得仲大聲。 

一輪對話後，我同阿俊落左去間ＧＡＹ吧度食飯⋯⋯咁講搞度情節真係好ＧＡＹ添⋯⋯ 

我地坐左係吧枱前食野，而勞斯萊斯就坐左係我地面前話：「你未再去比人打拿。」

佢講既人係阿俊。 

「我要比佢地睇下香港既古惑仔係點嘛。」 





我同勞斯萊斯大笑。 就係呢個時候，我身後有兩個人接近，佢行到我身後時，拍左我膀頭一下。 

我嚇到差Ｄ整跌碟飯，望一望身後。 

「你地兩個點解會係度！？」係我眼前，係我果兩位兄弟阿輝同阿倫。