全場人都靜晒,注視坐兩個人,勞斯萊斯同MAN姐。 

「妳今日黎呢度,想點?」勞斯萊斯問。 

「同你慶祝我地五周年囉。」MAN姐天真既笑容,使全場人心寒,佢地從來都無見個MAN姐會係咁既樣。 

「我準備好晒架拿。」MAN姐話,然後用吩咐既話氣講:「幫我拎已經準備好晒既野入黎。」 

可能係因為在場既人仲未習慣咁既MAN姐,所有人既反應都好似慢左半拍咁,過左陣先有人應MAN姐。 





只見幾個人拎左D野出黎SET左個場,一張枱,兩張椅,蠟燭,西餐用具…… 

MAN姐妳唔係想日光日白係我地咁多人面前同勞斯萊斯食燭光早餐掛。 

「坐啦。」MAN姐坐低左,然後勞斯萊斯都無奈咁坐低,而一個人就充當侍應,幫佢地兩個倒酒。 

「呢五年黎,我學左好多野啊。」MAN姐笑笑口咁講;「係佢地身上面學左好多男人先會做既野,令我更加知道點樣做一個不是女人既女人。」 

勞斯萊斯聽著,目無表情。 





「但你五年來都係無變到,都係咁吸引我。」MAN姐少有地臉紅咁講。 

「無錯,無變度。」勞斯萊斯話:「就連對妳既感覺都無變度。」 

「咁係咩感覺啊?」MAN姐問。 

「無感覺。」勞斯萊斯說。

「我變左咁多都依然無?」MAN姐問,而勞斯萊斯點一點頭。
已有 0 人追稿