[惡搞無極限] 就係咁，我同幾個豬朋上左大陸獵金: １００　遊戲開始

有係一輪既眼神交流。

 （阿賢，呢個人唔知係唔係就係你阿爺口中所講既……）
（咁突然，我點會知ＷＯ。（咁可以借此機會去搵批金ＷＯ。）
（阿俊哥，你都真係幾想去搵批金ＷＯ。）
（有咁大舊金係度唔通唔執咩。） 

「你地係度你眼望我眼做咩啊！」ＭＡＮ姐一喝，打斷左我地既眼神對話。 

「無，我地諗緊作戰計劃姐。」我回答。 





「咁睇黎你地都好有信心咁ＷＯ。」ＭＡＮ姐笑笑口咁話，然後拎出左一部電話，拋向我地，「入面已經入左接頭人個電話，而且有個ＡＰＰＳ　可以比你地ＫＥＥＰ　ＣＨＥＣＫ住你地個四本回鄉證去度邊到。」 

阿倫接住左部電話，開左黎睇，「仲有個導航添ＷＯ。」 

「係啊，高德地圖，仲裝左志玲姐姐語音。」ＭＡＮ姐話，「而且你地既回鄉證係你地頭先傾作戰計劃果陣已經送左出去。」 

「咁快！？」我地四個人驚訝咁講。 

「遊戲開始。」ＭＡＮ姐走到勞斯萊斯身後，從後攬住佢話：「希望你地輸啦，我真係唔想放佢走。」 





我地四個人望住佢，「出發！」好壯志雄心。 

「等等……」阿輝係呢個時候話，「究竟我地要送既係咩野？」

頂……難得咁型一下比呢條ＰＫ整到ＤＯＷＮ　晒……