[惡搞無極限] 就係咁，我同幾個豬朋上左大陸獵金: １０１　你未咁多野講啦，快D行好過啦

最後MAN姐都係無講佢要我地送果批貨係D咩野，而我地而家幾個企左係MAN姐幫我地準備左既車面前⋯⋯ 

「點解會係架VAN仔既？」阿倫望住架VAN仔問。 

「VAN仔又點呢？」阿俊問。 

「我未揸過VAN仔唔知舞唔舞得店。」 

「未理咁多啦，我地而家要爭取時間啊，以我成日淘寶既經驗，我地要把握佢地真係發貨前果個空檔既時間。」阿輝自信滿滿咁講。 





「咁都要CHECK下個地方點去先得。」我一邊講，一邊用緊個咩鬼高德地圖，個APP顯示由呢度去到目的地，要成80幾公里，姐係差唔多兩個全馬拉松。 

係呢個時候，MAN姐其中一個手下拎左兩大袋野出黎，「呢度有兩袋野，其中一袋係貨，而令一袋係比你地路上用既日用品或野食，仲帶D錢係比你地路上用既，一缸油一定唔夠你地行，記住預D錢入油，你地最後小心D安全送到，唔係MAN姐大把野玩你地。」 

佢講完後就將兩袋野放左上架車上面，「仲企定定做咩，快手D啦你班港燦。」 

「係係係，呢位哥仔唔知叫咩哥呢？」所以幾時都話阿輝真係好有做狗既特質。 

「你未咁閪多野講啦，快D行好過啦。」 果個人鬧9佢。





我地其餘三個人都係度笑。