[惡搞無極限] 就係咁，我同幾個豬朋上左大陸獵金: １０５　反白眼

「阿俊哥，駛唔駛熄一熄個高德地圖比你回一回氣先啊。」揸緊車既阿倫話，而我同阿輝就係好座果度笑緊。 

「唔駛……」阿俊無咩力咁回應。 

「真係唔駛，你ＨＩＧＨ到反左好多次白眼拿ＷＯ，再咁聽法你精盡人亡都似。」阿倫又話。 

「都話唔駛啊……」「前面５００米有一加油站喔～加油～」「嗚～」 

「阿俊哥，第五十六次拿，架車好大陣蛋白質味啊。」我地聽到阿倫既說話後勁笑。 





「救命……」阿俊佢終於向我地求救。 

「搵個人比個聽筒佢，播歌佢地分散下佢既注意力啦。」阿輝聽到我咁講後，就拎左部自己部電話，播歌佢聽。 

「Ｄ歌ＯＫ架，私人珍藏得個嘈字，你一咩聲都聽唔到。」

 「唔該！」阿俊好快手咁戴上，「執返條命他緊要。」 

我地三個就勁笑，但阿俊而家應該聽唔到。 





「係拿阿賢，點解阿俊會知道你阿爸有批金留左起大陸比你既。」阿輝問我。 

「可能……」我回想返果晚同勞斯萊斯傾計，「唔通果晚佢無訓到，偷聽我講野？」

 「呢個話晒都係古惑他，小心Ｄ好。」阿倫一邊揸住車，一邊講。 

其實我都唔知好唔好去搵批金好，但係我果兩位兄分都有意思去搵，所以就跟大隊去馬。 但至於阿俊，其實我心中都有Ｄ防範。