路程咁遠我地都盡趕,其實計落路程,我一定夠時間去到果目的地,但我地預計搵接頭人都要D時間,所以我地都唔敢怠晚。 

一路上,我地就係咁聽住志玲姐姐把聲……除左阿俊係度聽歌,我地都係度吹水。

原來已經好耐,我地三個兄弟都無好好坐低咁吹下水,講下近況。

可能呢D就係人愈大,生活愈忙,所以見面既時間少之又少啦。
 

呢程車我都講返好多以前既白痴野,一齊追女仔,一齊打機,一齊做好多ON9野。 





長途車難免要有D中途站比人放低幾兩,係其中一個加油站,我地落左車休息。 

「阿俊哥,D歌OK嘛?」阿輝問。 

「完全係正啦。」佢答。 

而阿倫就拎左部電話,睇緊個高德地圖既SETTING,「原來可以SET 其他語音架……咦,而家我地用緊果個語音叫暗黑志玲姐姐版。」 

「咁不如SET返用其他聲啦,我成程車聽志玲姐姐係度咦耶咦耶咦都好撚煩。」我話。 





阿倫係部電話度篤左幾篤,「SET好左。」 

「不如比我睇睇而家件貨去度邊。」阿輝拎左部機,開左個淘寶睇。

而家我地個四本回鄉證既STATUS 係:xxx集散中心,已發出。
已有 0 人追稿