[惡搞無極限] 就係咁，我同幾個豬朋上左大陸獵金: １１０　命運既相遇

「後面好似有架車跟住我地咁WO。」阿倫係則鏡睇一睇，而我地斬探頭出去睇左睇。

「你確定呢隔車真係跟住我地？」阿俊問。

「我留意左一陣架拿，佢都伸係後面跟緊。」阿倫答。

「會唔會只係都係行一條路呢？」阿輝問。

「會唔會咁岩啊。」阿倫回答。





「就係會，我地而家係條高速上面啊大哥。」我話：「而果架車係順豐速運架車黎架。」

無錯，阿輝所講既係我地身後面果架車，就係順豐架車。

我地咁個伸返個頭入車度，而一伸返入去，阿輝就話：「你估我地果四本回鄉證係唔係入面？」

「如果係既話，咁我地不如劫左架車佢，搶返我地果四本回鄉證，未唔駛運貨囉。」我講笑咁話。

「好主意WO。」「好主意WO。」「好主意WO。」





留意，唔係因為好重要所以講三次，係因為果三條友竟然一齊同意。

「⋯⋯大家，我講下笑咋⋯⋯」

「唔係啊，我又覺得幾好WO呢個IDEA。」阿俊首當其中咁話。

「我雖然同意，但我唔知點實行。」阿倫話。

「我都係。」阿輝話。





佢地三個講完就望向我度。

喂！？我講笑咋你地想做唔好望我！！！仲有揸緊車果個唔該望返前面！！！