阿俊佢不停咁檢查條假撚,擰下佢又盛咁,突然間,條假撚比佢一分為二,係垂直中間分開咁。

當條假撚一分為二後,有一包野係條假撚到跌左出黎,阿俊執起左果句野,我係後座一睇,好似係一包藥丸。

「都話唔係咁簡單架啦。」坐係阿俊旁邊既阿倫話。

「咁睇黎我地最好小心D,大陸運呢D野,一拉到,斷正即啪。」阿俊做用手比左個槍既手勢,然後指住自己個太陽穴,開左下槍咁講。

成架車個氣氛突然間沉重左好多。





阿俊將包藥丸放入條假撚,然後再還原怇,比返我後叫我放返入個袋度。

估唔到我第一次著草上大陸,竟然被迫運毒,而且我果兩位兄弟都比我拉埋落水。

我地之後全程車都好小講野,緊張到我地一見到其他車,就會好驚咁望實,怕係警車,但好彩一路上都安然無恙。

而唔知係阿俊見好耐都無野講定點,佢又講返批金D野。

「如果我地見到時興隆,應該點開始問佢批金D野好?」





我地其餘三個人邊有心情認真答佢呢個問題,所以我好HEA咁答左佢,「唔知啊。」

「咁等我諗一諗先。」阿俊回答我。

而就當我地真係以為一切安然無恙之際,有一架車係我地身後出現…… 
已有 0 人追稿