「大家快D一人拎一條假撚先。」阿俊命令我地咁話。

「我揸緊車無手拎啊。」阿倫回答。

「我幫你搵條,你想要點樣既。」阿輝既回應。

「最硬果條。」阿倫答。

頂!真係忍無可忍!





怒火狂升,隨手拎係左一條假撚,發泄咁扔左出窗,然後話:「你地幾條撚樣可唔可以靜靜地咁去果個地方啊!」呢句說話我忍得幾辛苦。

佢地三個又係呆左咁望住我,而我就轉返個平心靜氣既MODE 話:「其實我地快手D去度,就唔駛諗咁多野啦,你地記住而家我地車上面果批貨都唔知係D咩,就無謂再搞咁多野出黎……仲有阿倫,你望返前面先,你揸緊車就專心D。」

阿倫好聽話咁望返前面揸車,而阿輝同阿俊就繼續睇住我。

「頭先又係你自己話用假撚既。」阿輝話。

「我係因為你好嘈,所以先有條假撚扔你。」我答。





「但係劫車真係你講架WO。」阿俊話。

「我講笑咋OK,你地係未唔識分咩係講笑,咩係認真。」

「我地好認真架。」佢地兩個咁答。

突然間,我地車後面傳出一陣爆炸既聲音……

「……唔撚係掛!」阿倫睇左睇倒後鏡,然後講左呢句,而我地三個人一樣探左個頭出去睇一睇發生咩事。





SHIT!!!點解剛剛架順豐車會炒左架!!!仲要爆炸埋!!!
已有 0 人追稿