[惡搞無極限] 就係咁，我同幾個豬朋上左大陸獵金: １１３　讓假撚飛

時間回到我扔條假撚出窗果一剎。

「你地幾條撚樣可唔可以靜靜地咁去果個地方啊！」

假撚飛左出窗外，向後方咁飛去，佢係空中盤旋左陣，慢慢咁假撚果身就同地面成左水平。個撚頭向住順豐車，就好似子彈一樣。

車上面既人發覺到有舊野向住佢地飛過去，「啥東西？」

「不知道，閃邊去唄。」





但係，佢地估唔到條假撚既去勢會咁快，假撚慢慢咁接近，佢地都黎唔切轉個方向盤，條假撚就已經撞左上塊擋風玻璃度，而且仲要一半插左入去……

如果係真撚的話，咁樣插一定好痛。

「媽的！是屌！」個司機嚇左一跳，扭左下方向盤，架車就失左控咁反左。佢地受左傷爬出黎，不停係度話：「發生啥事？」

比較無咁傷果個人扶住傷得勁Ｄ果個跑走，然後，因為架車反左果陣漏油，仲著緊既引擎既一點星火，令到架車……

爆炸！





「……唔撚係掛！」阿倫睇左睇倒後鏡，然後講左呢句，而我地三個人一樣探左個頭出去睇一睇發生咩事。

阿倫停低左部車，而我地三個都落左車，剛剛我扔出去既假撚正好因為爆炸既衝擊，飛到我地既面前。

「阿賢……」佢地三個人不約而同咁望住我。

唔撚係啊！我用條假撚炸左部順豐車！？