上到車,我成個腦仍然空晒咁無講野,而阿輝就話:「拎部機黎,我想CHECK下而家件貨既STATUS係點。」

阿倫遞左個電話比阿輝,而佢睇完就話:「個STATUS 無轉到WO。」

「咁姐係咩意思?」阿俊問。

「我都唔知啊。」阿輝話:「如果,頭先果架車真係運緊我地四本回鄉證既話,咁點算?」

佢問完後,無人出聲,唔知係唔想回應,定係唔想去面對。





車行左一陣,而我地亦都見到一D消防車係旁邊條線駛緊去頭先爆炸既地點。我人生第一次個腦空左咁耐,我真係無諗過我人生中會出現一次爆炸場面係因我而起,而且,仲要係一個咁荒誕既行為。

假撚啊!姐係咁講,如果我真係比人捉左,我都唔知點講比個官知我係用條假撚炸左架車。就算我自己信,個官都唔信啦。

而佢地三個人……竟然無啦啦係度大笑。

我望住佢地問:「笑咩春?」

佢地笑得仲大聲。





而我就一下打左落阿輝度,「笑咩撚野啊你地!」

點知佢又係笑得仲大聲。

而阿俊就搶住答我:「一條假撚炸左部車……好撚好笑……」

「係……我其實忍得好撚辛苦……你比我笑啊……」

你班仆街,我就嚇餐死,你地就係度幸災樂禍。
已有 0 人追稿