[惡搞無極限] 就係咁，我同幾個豬朋上左大陸獵金: １１４　滿腦都得返一句話

我地四個人望住果條有少少燒焦既假撚，呆左，而我更加咩都諗唔到，個腦空白晒一樣。

首先講野果個係阿輝，「阿賢，你頭先又話你講笑既。」

我完住唔識點答佢。

跟住係阿俊話：「咁我地算唔算係劫左順豐……」

我仍然唔識答佢。





「爆撚左架車，點算劫。」阿倫回答，然後一個驚嚇既語氣話：「仆街拿呢次！如果呢架車真係送我地果四本回鄉證既話！咁未燒左！」

真係一言驚醒夢中人。

阿倫係首先跑過去既人，然後係阿俊，再跟住係阿輝……而我，我每腦都得返一句話。

我用條假撚炸左部順豐車……
我用條假撚炸左部順豐車……
我用條假撚炸左部順豐車……





「阿賢！過黎睇下啦仲望！」阿俊係順豐車旁邊叫住我，我先回過神。

我三步拼兩步走過去，睇住仲燒緊既順豐車，都唔知講咩好。

「而家咁，我地都埋唔到去睇有無我地果四本回鄉證。」阿倫話。

阿俊嘆左口氣，「上車啦，我地而家無證件係身，唔係一陣警察到就大鑊。」

「係公安。」阿輝更正。





「一樣啦，閃。」係阿俊講完呢句之後，我地幾個都上左車，而我個腦仍然都係果一句……