[惡搞無極限] 就係咁，我同幾個豬朋上左大陸獵金: １１８　順豐配送員

 我地而家既目的地直指果間商場，但唔知點解，就算間商場外表好華麗，但人好少，而且有一種陰森既殺氣傳出黎。

我地遠看呢間野，都有一種唔想接近既感覺。

「……阿倫，真係呢間？」我問。

「係啊……」佢答。

「你地ＦＥＥＬ　唔ＦＥＥＬ　到有Ｄ？」而阿輝就問。





我地幾個不約而同咁點一點頭。

「咁……入唔入去？」我問。

而呢個時候，係不遠處出現左一個人，推動左我地入去既衝動。

「你地睇下果邊。」阿輝指左個方向，而佢所指既方向係一個著住順豐衫既人。

「有咩睇？」不明所以既我地問。





「果條友著住順豐衫，係送貨員啊。」阿輝叫左出黎。

「咁我地就ＯＮ９９咁企係度做咩野啊，仲唔行。」阿倫話，然後第一個衝左出去。

「等埋我！」阿輝回應左後都衝左出去。

而我，就望住腳軟既阿俊。

「你唔好理我，你地行先，我後追。」佢話。





大佬，你而咁既樣點後追啊，但最後我都無理佢，跑左上去。