[惡搞無極限] 就係咁，我同幾個豬朋上左大陸獵金: １１９　餓門屎塊落的姣二筒

「呢間商場黎架？」阿輝問左我想問既問題。

由頭先一入呢間商場到而家，跟本可以話係一個客都無，剩係得Ｄ店果Ｄ員工係求行行企企咁，人流真係呢……

而我地就尾隨坐個順豐友，一路跟一路觀察四周圍。

「你地覺唔覺我地比人望住晒咁？」阿輝問。

「一定啦，成間商場好似得我地三個人係客咁，唔望住我地仲有咩好望。」阿倫答。





「但都唔駛用咁既目光望住我地掛，而且剩係望住我地，唔望果個順豐友。」阿輝又話。

咁佢又講得岩ＷＯ，所有人都只係望住我地，而且係用一個不善既目光睇住。

就係呢個時侯，個順豐友轉左入一間店，而我地就追左入去。

「先生，你們想要買甚麼嗎？」我地連店門口都未行到入去，入面一個店員已經出左黎問我地野。

「煲冬瓜我唔識架ＷＯ，你地有無人識啊。」阿倫問。





「我都係麻麻地架咋。」我答。

「等我黎。」阿輝好有自己咁應左頭，然後就同個店員講：「餓門屎塊落的姣二筒，肛材餓件島油個忍入左處，渠係邊樹？」

嘩，阿輝哥，你頭先講果句野我只係稍為聽到後面果四隻字點解，你ＵＰ咩春啊。