入左間店入面後,我地發現原來呢一間店係一間成人用品店,而果位店員就帶左我地入左試衫室度。

「原來成人用品店都有試初室架?」好奇既我問。

「係架,呢度有好多情趣服裝嘛。」個店員答,然後佢就推一推塊鏡,原來鏡後面有度暗門,而暗門後面係一條走廊。

走廊入面傳出左一段腳步聲。

「入面有人?」又係我問,而我另外個三位兄弟就探頭入去睇。





「係啊,頭先果個順豐配送員嘛。」個店員答。

「咁我地就等咩啊,拿拿聲啦。」阿倫又係第一個衝入去。

「等埋我。」第二個係阿輝。

我望住果兩條友仔,問身邊果個店員:「其實入左去應該點行?」

「你一直行就得架拿,入面得一條路。」個店員答。





「你唔好理我,你地行先,我後面跟住。」阿俊同我講,咩呢D對白咁熟既。

我拎住批貨慢慢係後面行,心入面諗,唔知一陣見到果位時興隆,我應該講咩呢……
已有 0 人追稿