[惡搞無極限] 就係咁，我同幾個豬朋上左大陸獵金: １２２　靚女啊……

沿路一直行，個心跳我好快，唔知點解可以咁緊張，就好似成條走廊得返我既心跳聲咁……就有我果兩位兄弟既跑步聲。

唔知，佢地追到個順豐配送員未呢。

我轉左幾個彎都未到，個心就愈來愈急，但係一直走又真係得一條路，無理由行返轉頭咁ＯＮ９　架。

走多唔夠一分鐘，我就見前方有道已經開左既門，係門口望入去，見到三個人，我果兩位兄弟，同順豐配送員。

而我亦都加腳步上前。





走到門口，我將拎住果袋野放落地下，望一望我果兩位兄弟，問：「果個人呢？」

我果兩位兄弟只係搖一搖頭，無理過我，目不轉睛咁望住前面。

而個順豐配送員都係一樣。

望咩望到咁入神啊，我都跟住佢地所望既位置望過去。

一對白滑既美腿搭配一條超短牛仔褲，蠻腰上面肚臍打左個臍環，豐滿既上圍撐到件小可愛緊一緊，修長既手戴左幾條手鏈，再望上Ｄ，一頭爽朗既及耳短髮，標緻既五觀，仲有對鳳眼。





簡單三個字，好靚女。

唔怪得佢地望到呆晒啦，就連我已經有女友都望都呆左。

呢個女仔行到順豐配送員面前，簽收後拎走個盒，然後講：「你走得拿。」

個順豐配送員即刻講：「其實我可以留多一陣都……」呢句都未講員，就比個靚女一腳踢左出去，而個女仔仲好大力咁開左門。

我地不停聽到門外面既順豐配送員不停話，「受埋我玩啦！」





我諗佢一定係諗多左……