[惡搞無極限] 就係咁，我同幾個豬朋上左大陸獵金: １２７　四個一齊上

時興隆冷笑左聲，「估唔到你地用我批貨炸左架車。」然後就問佢隔黎果個男人，「我們的貨會爆炸嗎？」

只係見果個男人好尷尬咁話：「大姐，我也不清楚，本身我們的貨是不會爆炸的，但是……」佢講Ｄ唔講Ｄ。

「有話你就說吧。」時興隆唔好它脾咁望住果個人。

「大姐，我們的貨是ＭＡＫＥ　ＩＮ　ＣＨＩＮＡ，所以真的有可能會爆炸喔。」果個男人話，然後另一個男人又加多句：「是啊大姐，妳想一想，之前新聞說西瓜也會爆炸，所以真的有可能喔。」

時興隆聽完好無奈地話：「你們兩個把貨先拿進去。」然後再望住我，「而家我批貨就少咁Ｄ，姐係你令到我搵少左，咁而家條數點計先。」





下！？唔係掛！

「呆左企係度做咩啊，講野啦，慢Ｄ比個解決方案比我。」佢話。

「唔炸都炸左啦！妳仲想點啊八婆！」係啊，無錯啊，咁衝動既說話一定係阿俊把死人口講出黎，佢仲一路講一路行去時興隆到，就舉起手，想一拳打過去咁。

但係……

「香港仔Ｄ拳真係一Ｄ力都無。」時興隆單手接住左阿俊既拳頭，然後一個反手扭阿俊隻手，再一推，阿俊當堂仆左係度。





「你地想打既，四個一齊上都仲得。」時興隆話。

點解……又要有動作場面……