[惡搞無極限] 就係咁，我同幾個豬朋上左大陸獵金: １２８　揚名立萬都睇今次架拿

其實講打，我地真係無咩興趣……除左阿俊之外。

時興隆講完呢句話之後，阿俊就好似上左身咁，跌得左既佢起返身，然後又衝去時興隆度，但又係一樣，佢幾招又打到阿俊佢仆左係度。

但係阿俊既小強精神真係驚人，跌低左又企返身，跌低左又企返身，係旁邊睇緊既我地三個都比佢呢一種精神感動。

「加油阿俊。」我地開始吶喊起來，但係點知阿俊啤住左我地話：「加咩春野油啊！幫手啦！」

好心著雷劈……我係打得既話一早幫左手啦……





但係我個兩個兄弟又真係好聽話地衝左過去，但係對結果都係無補於事……啊，唔可以咁講，應該係個結果變左佢地三個不停咁跌低又起返身。

而我就仍然係旁邊睇住佢地。

但唔知係未佢地打動左上天，時興隆好似開始累，而佢地三個打左眼色，三人一擁而上，捉住左時興隆，但係都只係捉住左，因為佢地已經無多餘既手去襲擊時興隆。

「阿賢，你仲企係度做咩啊，出手啦。」阿俊係度大叫。

「拎起支野扑落去！」阿倫話，無啦啦邊度搵支野返黎啊。





「係啊！揚名立萬都睇今次架拿！」阿輝話……頂！關揚名立萬咩事啊？