事到如今,都無辦法,唯有拎住呢兩袋野上路,而碇司令吩咐左個大隻佬比返D野我地,果D野都係得地D電話。

我係果D野當中不停咁搵,都搵唔到阿爺留返比我既鏈咀,所以我就問阿碇司令:「係得呢D?」

碇司令點一點頭。

「應該……仲有一條鏈咀……」我吱唔咁講。

「咁你意思姐係我地偷左你野啦!」個大隻佬係我身後面好大聲咁講。





「……我……我唔係咁既意思……」

而碇司令見到咁,補充左句:「我地剩係做丸仔,係唔會偷野,況且搬你入黎果陣,都無搵到你身上有鏈咀。」

咁姐係係我暈低果陣,就已經唔見左!?

「條鏈對你好重要?」碇司令問。

「係……係我死左既阿爺留返比我。」我答。





碇司令低頭沉思左陣,以後叫左大隻佬去佢度,佢地交頭接耳左一陣後,大隻佬就走左,而碇司令同我講:「放心,我已經叫左人去搵,你就專心咁幫我放批貸。」

「……多謝。」難道呢D就係江湖人既尊重?

「時間都唔早,你地早D去早D搞店。」碇司令講完後,就好瀟灑咁離開。

剩低既係我地四個人,同埋時興隆。佢望住我地話:「都唔知點解大哥係都要你地同我送果批貸,你地醒醒定定,唔好搞破壞。」

「係既時興隆姐。」我另外果三個兄弟笑到烚熟狗頭,我都唔明佢地而家係咩心態。





而時興隆用一個好特別眼神望住我,果種眼神我形容唔到,但係就比佢望到好唔好意思,我問佢:「望咩?」

「無……一陣你唔好店批貨,假撚係你手上都可以整爆架車,都唔知飛機杯係你手上果陣,你會整D咩野出黎。」佢咁講完之後,我好無奈咁望住佢。

妳估我好想店批貨啊!唔店未唔店囉!仲好添啊你估果兩袋飛機杯輕架!
已有 0 人追稿