[惡搞無極限] 就係咁，我同幾個豬朋上左大陸獵金: １４０　忍一時，退一步

袋返好我地部電話，仲有個茶餐可以食埋，跟手就係等出發既時間。

我地四個一早已經返到自己既監倉度，等緊佢地既傳召。

「阿賢。」呢把聲係阿俊：「你有無諗過點解著草都可以搞到又爆車又比人追打，已家仲要幫人運毒？」

點會無，我日日都係度諗緊，點解個天要咁玩後。

「已家仲有我地兩個ＪＯＩＮ　埋。」呢把係阿倫把聲：「點會估度果日參加既自由行一日兩夜，會變成而家咁既旅程。」佢竟然邊笑邊講。





「係啊，真係講都無人信。」阿輝就話。

「一直以來預到咁多野，發生咁多事，我諗應該係我地當中有一個好黑仔。」阿俊笑笑口咁話。

呢個我極度同意，答返佢：「咁你覺得係邊個仆街咁黑仔呢？」我本來以為呢個問題問左，我果兩位兄弟會撐我話係阿俊黑仔，但點知佢同三把口都話：「個仆街未係你囉，阿賢。」

我地四個都大笑左。

「可能……」我靠住鐵匣話：「係我選擇著草果一刻，上天就要我經歷一段歷程，唔想我咁平平無奇怪。」





「其實，我覺得係你同阿欣一齊左之後已經唔平平無奇。」講完之後大家又大笑左陣。

就係呢一刻，時興隆行左入黎：「笑完就好起程拿。」

「等等，我一直以來都好想係監倉入面做一樣野。」我是但拎起左塊可以刻到字既野，係一面牆上刻左兩句話。

「多多事實，快Ｄ啦。」時興隆話。

而我個四個兄弟聽到我咁過，行左出去個監房後走左過黎睇：「屌，正一高登仔。」





我笑左笑，然後答：「你地識，你地未又一樣。」

我刻左既，係呢兩句：忍一時得寸進尺，退一步變本加厲。