[惡搞無極限] 就係咁，我同幾個豬朋上左大陸獵金: １４８　搭上左

我將自己所有既集中力都放晒係時興隆既心口上面，佢雖然好似知道但係就唔係好介意咁問我：「你望閪夠未？」雖然佢呢句夾雜住粗口，但係佢用好平常既語他講，我諗呢Ｄ係佢平時講野都夾雜住粗口而練返黎。

我比佢咁樣一問，望一望佢，問唔問佢好呢？但條鏈對我好重要架ＷＯ，點都要問下：「我想問妳頭先係未戴住條鏈？」

「係又點？」佢反問返。

「可唔可以比我睇。」我問。

佢聽到我咁問後，望實我，慢慢行前，將個頭控到同我塊面差幾ＣＭ既距離。佢望實我對眼，我睇得出係帶住一種笑意，但係就講唔出呢種係咩野笑意。





然後佢再控到去我耳邊講：「你點解咁想睇？條鏈對你好重要？」

我點左點頭，然後佢又話：「我可以話你知，呢條鏈係我既，由一直到現在，呢條鏈都係我既。」佢講完呢句後，就行開左，仲笑左笑，又係一種睇唔清係咩既笑容。

跟住，我個三位兄弟行左過黎，「你地傾左Ｄ咩？」阿俊問。

「……無。」我下意識既答左阿俊。

然後佢地用一個唔信既目光望住我，阿倫開聱講：「我覺得，佢地兩個搭上左。」





阿輝點頭就話：「無錯。」

搭咩撚野上啊，你地幾個唔知頭唔知路就未係度亂咁估啦。但我最估唔到係阿俊以下既反應。

而阿俊就怒視我講左句：「情敵！」

下！？阿俊你對佢有意思咩？