人生地不熟,我地四個唯有跟住時興隆行入一間……酒店?我諗旅館貼切D。

講一講呢度附近既環境先……其實無咩好講,因為呢度得一個好撚大既停車場,一個加油站,幾間食店,然後就係得呢間旅店,就無其他野。

就係用簡單既幾句說話就講晒所有野。

入到間旅館,有一陣唔知咩味擁緊出黎,呢但未好怪,但唔至於難聞。

我地跟時興隆去到櫃面,而時興隆想問之際,櫃面果個人已經開聲話:「我們只剩下兩個房間。」





「沒問題,我全要。」時興隆好快咁就答應左。

佢好快手比左錢匙,然後就叫我地跟住佢。呢間旅館服務應該麻麻,因為佢要我地自己搵間房係邊,同埋頭先果位姐姐既面口已經唔多好。

搵左一陣我地就搵到間房,兩間房係打正對面。

「好好休息下,但唔好四圍走,你地有咩事我就打鑊你地。」時興隆話。

而我地四個點頭,跟住開左度門正準備入房之際。





「你仲咩去果邊?」時興隆問,但唔知佢問邊個。

我地四個呆左咁望住佢,然後佢又話:「我問你啊。」

係唔係我既錯覺,點解我覺得時興隆係望住我講……唔止咁,而家我果另外三個兄弟都好似望住我,然後一齊話:「佢問你啊,阿賢。」

唔撚係啊,妳要兩間房,正常緊係我地四個男仔一間,妳自己一間架啦,點解妳會問呢個問題。

「我問緊你啊,點解去果邊?」時興隆又再望住我問多次,然後仲要加多句:「你過黎呢邊。」





FUCK!究竟發生咩……事!就係我仲諗緊之際,我班兄弟已經推撚左我入房,而且係關門之際,用一個好淫邪既眼神望住我……除左阿俊佢用一個好妒忌既眼神。

門關左,我望住時興隆……點解我要同佢同房。
已有 0 人追稿