呢一度……係邊度黎架……點解同我平時望野既高度……好似唔同左咁多既……

我睇一睇四周圍,呢度好熟,應該係……我屋企WO。

點解有個男人既背影係媽媽間房度架,唔通係舅父,但係舅父身形唔係咁架WO應該。

「賢仔……」我望住果個轉左個身邊黎既男人,然後開口講:「爸爸。」我把聲,點解返到十二歲果陣既。

爸爸佢慢慢行過黎,蹲左係我前面摸住我個頭,而我就望一望個窗,見到出面天好光,就同爸爸講:「爸爸你今日咁早返既。」





爸爸聽到我咁講後笑左笑,然後眼定定咁望住我,「唔覺唔覺,原來賢仔已經咁大個仔。」

「係啊,我讀中學架拿。」我講。

「但係仲咁矮。」佢講笑咁講,咁我果陣又真係唔知點解可以仲係個小學生咁矮既……

「我一過青春期就標高架拿,到時一定高過你添啊。」我反駁佢,緊係要啦,男人高度好緊要架。

佢聽到我咁講後,笑笑口話:「一定會既……」然後嘆左啖氣又話:「賢仔,你以後要好好照顧呢頭家,好好睇住你阿媽。」





「知道。」我點左點頭,然後爸爸就企返起身,去到媽媽疏妝既枱,放低左封信,然後,行過我身邊既時侯再摸一摸我個頭,拎起個手提箱,開門就走左。

點解既……點解我又會見返呢個情境既……

點解既……點解我會眼濕濕既……

我張大隻眼,望到既當然又係天花版,而阿妹就係我旁邊望住我,然後問:「阿哥你發惡夢啊?點解喊既?」

我擦一擦自己既眼淚,然後話:「無啊,發夢有沙吹入眼姐。」
已有 0 人追稿