[惡搞無極限] 就係咁，我同幾個豬朋上左大陸獵金: １５９　秘密

訓左一陣個頭腦都清醒返Ｄ，而阿妹望住我岩岩訓醒既樣，就話：「不如我校水比阿哥你沖涼好唔好啊？」

「好……」我隨便咁答佢，而佢就入左洗手間校水。而我，就係度諗要點樣先可以話到比我班兄弟知，時興隆係我阿妹，而佢已經話左比我知Ｄ金係邊……

但係，好唔好話比佢地聽時興隆係我個妹好呢……不過如果唔話比佢地知，又點樣可以話佢地知我知道批金既時呢……

你地見我而家其實自己都唔知自己講緊Ｄ咩，只係知道要有一個兩全其美既方法話到比佢地知，其實都幾難下。

當我諗緊果陣，有人拍門……係好大力拍門果隻。





阿妹而家校緊水，咁就唯有我去開門啦。

我打開度門，見到既就係果三個死仔，果三個死仔一見到後就即刻捉左我入去佢地間房，佢地三個人用唔同既摔角技巧捉住我，好似想……

「講！你地有無做過Ｄ咩！」阿倫話。

「做左幾耐！快Ｄ講！」阿輝話。

而阿俊係最落力果個，「死仔你就飽啦今次……」佢既說話帶住憤怒。





係，佢地唔知點解要向我迫供，但係我都唔知佢地問呢Ｄ問題做咩。

我好辛苦咁講左幾隻字：「……咩都……無……做過……」

「佢話做過啊！」佢地三個一齊話。

頂你地個肺，你地係未痴撚左啊。

當佢地講完呢句之後，用更加大力既力道整我，而我只好話：「救命……放過我……」





就係呢個時候，時興隆佢出現，佢幾下就打走左果三隻野，然後話：「你地三個閪佬做咩要打我阿哥！」

……仲諗緊要點樣保守呢個秘密……而家唔駛啦……