[惡搞無極限] 就係咁，我同幾個豬朋上左大陸獵金: １６２　怕咩

同佢地擾攘著一陣，而家四個人有兩種意見，第一個就係我同阿輝，我地都覺得時興隆真心認為搵得返我呢個阿哥，而阿俊同阿倫兩個就覺得，時興隆係因為打批金既望意，所以先話係我阿妹。

「你地兩條ＯＮ９比人搵笨知唔知架！」阿俊好燥底咁各我地兩個講。

「未係！一陣批金比人搵左既話！就係因為你地兩個啊！」阿倫都好激動。

而我同阿輝就無咩反抗能力，只係企左係度望住激動既兩個人係度不停講粗口。

「佢地頭先係未食錯Ｄ咩？」我問企係我旁邊既阿輝。





「係啊，我地頭先都無食野。」佢答。

「哦……唔怪得啦，原來係未食野所以咁燥底。」我恍然大悟咁話，然後行到佢兩個面前，伸出手係佢地兩個人既胸前，呢個動作，佢地停左鬧我，問我：「做咩？」

我無諗過我會咁做，而家諗返起都唔知點解，我好大力咁推左佢地一下，係好大力，大力到推左佢地落地下。

佢地兩個呆左咁望住我，我諗我身後面既阿輝都係一樣，而我望住佢地講：「而家唔係內訌既時侯。」

點解我可以無啦啦咁認真既，唔通做左人阿哥係唔同Ｄ？





佢地兩個慢慢企左起身，好唔憤氣咁但又無野講，佢地望住我，阿倫先出聲：「我地會一直觀察佢，我點都唔信會有個人無啦啦彈出黎認你做阿哥。」

「係，又唔見係認我。」阿俊話。

其實我聽到阿俊咁講，都覺得佢好可笑，因為佢正正講左我心目中想說服佢地既答案。我估唔會有人無啦啦認我做阿哥，咁姐係，佢覺得我真係佢阿哥先咁做啦。

但我都無怪佢地兩個咁諗，因為防人之心不可無。

「咁我地照樣繼續送批貨，然後就去佢屋企睇，你地大家意見點？」我提出呢個見議。





「會唔會有危險？」阿輝問。

我聽完佢既說話後，笑左笑：「我地已經危險緊，怕咩。」